Die schönsten Bilder von Shiva findest du in unserer Galerie ! |
Äs git keni Wort, wo dir je grächt wäre,
soviu hesch du üs gäh, i wets o garnid ersch probiere.
I wet dir uf däm Wäg eifach säge,
i vermisses sehr mit dir go z spaziere.
♥♥♥♥♥♥♥♥♥♥
Me nennt euch o Seelehünd,
doch es spiut gar ke Roue was, du bisch es sicher gsi.
Üse Partner und ä treue, wundervolle Fründ.
I wünschti mir du chöntsch itz bi üs si.
♥♥♥♥♥♥♥♥♥♥
Du bisch für üs Alles gsi,
du hesch üse dr Sinn zum läbe gäh, i chas nid anders säge.
Äs isch ä Rhythmus gsi mit Melodie,
itz isches plötzlich still uf üsne Wäge.
♥♥♥♥♥♥♥♥♥♥
Me seit es geit o ohni Hund,
„Sit froh, si hets so besser gha.“
Doch sit du wäg bisch is z Läbe ohni Grund
und ohni Freud dran z ha.
♥♥♥♥♥♥♥♥♥♥
Du wirsch immer i üsne Gedanke si,
äs git nüt wo dä Platz iinimmt und di ersetzt.
Irgendwenn wärde mir o wider glücklich si,
doch im Momänt si mir so sehr verletzt.
♥♥♥♥♥♥♥♥♥♥
Dä Schmärz wot eifach nid verbi,
immer wieder ischer da, ganz heftig und erbarmigslos.
Bini no grad fröhlich gsi,
isch ohni di plötzlich aues hoffnigslos.
♥♥♥♥♥♥♥♥♥♥
Ufsmau isches eifach wieder da.
Die Sehnsucht und das Gfühu alleini si.
Die wunderbari Zit wo mir hei gha...
I erinnere mi so gärn a di!
♥♥♥♥♥♥♥♥♥♥
Zäh wunderbari Jahr hei mir mit dir verbracht.
Sisch chum z gloube dass das äs itz isch gsi.
Mir vermisse di gäng no, Tag und Nacht.
So wie denn wirds leider niemeh si.
♥♥♥♥♥♥♥♥♥♥
Vieli Erinnerige begleite üs bi jedem Schritt.
Sisch nid dä eint Momänt, äs si tuusigi.
Mir freue üs dra u nähme aues mit,
in Gedanke, o we mir mämgisch no ganz truurig si.
♥♥♥♥♥♥♥♥♥♥
Dis Chüssi blibt itz für immer läär,
o we mir nid chöi, mir müesse witer ohni di.
Äs isch z schaffe doch es faut üs schwär,
bisch du doch üsi chlini Shiva gsi.